Bakıda bağçada və tədris mərkəzində oğurluq olub

Bakıda bağçada və tədris mərkəzində oğurluq hadisəsi baş verib.

Bu barədə "Report"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, Nəsimi Rayon Polis İdarəsinin 19-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində mayın 5-də rayon ərazisindəki uşaq bağçalarının birindən kompüter və müşahidə kamerasının yaddaş qurğusunu oğurlamaqda şübhəli bilinən Ağdaş rayon sakini, əvvəllər məhkum olunmuş H.Seyidov saxlanılıb.

Ətrafında aparılan tədbirlərlə onun 1 tədris mərkəzindən 1 500 manat dəyərində televizor, 2 kafedən 3 080 manat dəyərində 3 ədəd oyun aparatı və müşahidə kamerası, 2 çay evindən isə 400 manat dəyərində televizor və monitor oğurlaması da müəyyən edilib.