Bakı. 26 avqust. REPORT.AZ/ Bakıda avtomobilin vurduğu piyada 2 gün sonra xəstəxanada ölüb.
"Report" xəbər verir ki, məlumatı Daxili İşlər Nazirliyinin rəsmi saytı yayıb.
Belə ki, avqustun 23-də saat 17 radələrində Nərimanov rayonu ərazisində Bakı şəhər sakini Coşqun Rzayev idarə etdiyi “Ford” markalı avtomobillə yolu keçən paytaxt sakini Səxavət Quliyevi vurub. Xəstəxanaya yerləşdirilən piyada avqustun 25-də orada ölüb.
Nərimanov Rayon Polis İdarəsi tərəfindən araşdırma aparılır.