Bakıda avtomobillə vurulan piyada iki gün sonra ölüb

Bakıda avtomobillə vurulan piyada iki gün sonra vəfat edib.

"Report"un xəbərinə görə, aprelin 10-da Zamanov Zərbi Eyvaz oğlu idarə etdiyi "VAZ 2170" markalı avtomobillə Bakı şəhəri, Qaradağ rayonu, Lökbatan qəsəbəsi, 28 May küçəsində şəhər istiqamətində hərəkətdə olarkən piyada 1983-cü il təvəllüdlü Əsgərov Fuad Məmməd oğlunu ehtiyatsızlıqdan avtomobillə vurub.

Aprelin 12-də Fuad Əsgərov aldığı xəsarətlərdən müalicə olunduğu Kliniki Tibbi Mərkəzdə ölüb.

Faktla bağlı Qaradağ Rayon Polis İdarəsində cinayət işi başlanılıb.