Bakıda avtomobillə vurulan gəncin ayağı sındı

Bakıda piyadanın vurulması ilə nəticələnən yol-nəqliyyat hadisəsi baş verib.

“Report” xəbər verir ki, hadisə paytaxtın Nərimanov rayonunda qeydə alınıb.

Belə ki, Əhməd Rəcəbli küçəsində 2000-ci il təvəllüdlü Günəşov Cəmil Babək oğlunu avtomobil vurub.

Yaralı təcili tibbi yardım briqadasının köməkliyi ilə xəstəxanaya çatdırılıb.

Ona sağ bud sümüyünün sınığı diaqnozu qoyulub.