Bakıda avtomobil yolu keçən piyadanı vuraraq öldürüb

 Bakı. 12 yanvar. REPORT.AZ/ Bakıda "QAZ-2410" markalı avtomobil yolu keçən piyadanı vuraraq öldürüb.

"Report"un Daxili İşlər Nazirliyinin rəsmi saytına istinadən verdiyi məlumata görə, Qaradağ rayonunun Lökbatan qəsəbəsində Bakı şəhər sakini Etiqad Kərimov idarə etdiyi "QAZ-2410" markalı avtomobillə yolu keçən qəsəbə sakini Rəhim Hüseynovu vurub. Xəstəxanaya yerləşdirilən R.Hüseynov orada ölüb.

Qaradağ Rayon Polis İdarəsi tərəfindən araşdırma aparılır.