Bakıda aptekdən pul oğurlanıb

Bakı. 3 aprel. REPORT.AZ/ Bakıda aptekdən 1000 manatdan çox pul oğurlanıb.

“Report” Daxili İşlər Nazirliyinə istinadən xəbər verir ki, Qaradağ Rayon Polis İdarəsinin 10-cu Polis Bölməsinin əməkdaşlarının keçirdikləri əməliyyat-axtarış tədbirləri nəticəsində martın 26-da rayon ərazisindəki apteklərdən birindən 1050 manat pul oğurlamaqda şübhəli bilinən Sumqayıt şəhər sakini, əvvəllər məhkum olunmuş Nazim Əliyev tutulub, daha 1 nəfər isə müəyyən edilib.

Fakt üzrə araşdırmalar davam etdirilir.