Bakıda 35 yaşlı qadını avtomobil vurub

Bakının Səbail rayonunda piyadanın xəsarət alması ilə nəticələnən yol-nəqliyyat hadisəsi baş verib.

“Report”un məlumatına görə, Badamdar qəsəbəsində avtomobil yolu keçən 35 yaşlı Gülnar İsmayılovanı vurub. Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sol ayağının sınığı diaqnozu qoyulub.

Hadisənin təfərrüatı araşdırılır.