Bakıda 3 naməlum şəxs dönərçiyə ağır bıçaq xəsarətləri yetirib - FOTO

Bakı. 3 iyun. REPORT.AZ/ Bakıda dönərçi ağır bıçaq xəsarətləri alıb.

"Report" xəbər verir ki, hadisə Nəsimi rayonunda qeydə alınıb.

Belə ki, "Üçüncü mikrorayon dairəsi" kimi tanınan ərazidə 3 naməlum şəxslə dönərçi, 1989-cu il təvəllüdlü Mustafayev Oqtay Qurbanəli oğlu arasında mübahisə yaranıb. Nəticədə həmin şəxslər O.Ağayevə kürək nahiyəsindən 4 bıçaq xəsarəti yetirərək aradan çıxıblar.

Yaralı xəstəxanaya yerləşdirilib. Onun vəziyyətinin ağır olduğu bildirilir. 

Faktla bağlı Nəsimi Rayon Polis İdarəsinin 20-ci Polis Bölməsinin əməkdaşları əraziyə cəlb edilib. Fakt araşdırılır.