Bakıda 20 yaşlı gənc bıçaqlanaraq öldürülüb

Bakıda ötən gecə 20 yaşlı gənc ürək nahiyəsindən bıçaqlanaraq öldürülüb.

Səhiyyə Nazirliyindən "Report"a verilən məlumata görə, hadisə Xətai rayonu, Məhəmməd Hadi küçəsi, 93 ünvanında baş verib:

"Təcili yardım həkimləri ünvana gələn zaman yaralının vəziyyəti çox ağır olub. Yaralı xəstəxanaya aparılarkən yolda dünyasını dəyişib". 

Faktla bağlı hüquq-mühafizə orqanları tərəfindən araşdırma aparılır.