Bakıda 12 evdən oğurluq edən şəxslər saxlanılıb - VİDEO - YENİLƏNİB

Bakıda 12 evdən oğurluq edən şəxslər saxlanılıb - VİDEO - YENİLƏNİB Video əlavə olunub
Hadisə
13439
7 Fevral , 2019 16:51
Bakıda 12 evdən oğurluq edən şəxslər saxlanılıb - VİDEO - YENİLƏNİB

Video əlavə olunub


*** 15:41

Bakı. 7 fevral. REPORT.AZ/ Bakıda 12 evdən oğurluq edən şəxslər saxlanılıb.

DİN-in Mətbuat xidmətindən "Report"a verilən məlumata görə, Binəqədi rayon Polis idarəsi 4-cü polis şöbəsi əməkdaşlarının həyata keçirdikləri əməliyyat-axtarış tədbiri nəticəsində rayon ərazisində fərdi yaşayış evlərindən oğurluqlar edən əvvəllər məhkum olunmuş paytaxt sakini Mirsaleh Məmmədov və Şəmkir rayon sakini Samir Abbasov tutulublar.

Araşdırma zamanı onların Binəqədi, Biləcəri qəsəbələrində yerləşən 12 evdən, əsasən, pul, qızıl-zinət və məişət əşyaları oğurladıqları məlum olub. Qeyd edək ki, evlərə oğurluğa əsasən M.Məmmədov daxil olub. O, daha sonra oğurladığı əşyaları S.Abbasovla birlikdə satıb. Həmin şəxsləri ətraflarında keçirilən əlavə tədbirlərlə onların digər rayonların ərazilərində də evlərdən oğurluqlar etdikləri məlum olub.

Faktla bağlı 4-cü polis şöbəsində toplanan materiallar Binəqədi RPİ-nə göndərilib, araşdırmalar davam etdirilir.

Son xəbərlər

Orphus sistemi