Bakı sakininin evindən külli miqdarda narkotik maddə aşkar edilib

Binəqədi Rayon Polis İdarəsinin əməkdaşlarının əldə edilmiş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Bakı şəhər sakini R.Surxayev saxlanılıb.

Bu barədə "Report"a Daxili İşlər Nazirliyinin Mətbuat Xidmətindən məlumat verilib.

Şəxsi axtarış zamanı ondan heroin və metamfetamin, Xətai rayonu Əhmədli qəsəbəsindəki evindən isə 2 kiloqram 770 qram heroin, 170 qram metamfetamin, 4 ədəd elektron tərəzi, 10 ədəd tramadol və 1 ədəd preqabalin həbi aşkar edilərək götürülüb.