Bakı. 24 iyun. REPORT.AZ/ Bakı sakini tanımadığı şəxs tərəfindən bıçaqlanıb.
"Report"un xəbərinə görə, hadisə Səbail rayonunda qeydə alınıb.
Belə ki, Bayıl qəsəbəsində 1989-cu il təvəllüdlü Nəsirov Nicat Rövşən oğlu evinin yaxınlığında tanımadığı şəxslə mübahisə edib. Mübahisə nəticəsində o, bıçaqlanıb.
N.Nəsirov xəsarət alaraq xəstəxanaya yerləşdirilib.
Faktla bağlı Səbail Rayon Polis İdarəsinin 8-ci Polis Bölməsində araşdırma aparılır.