Bakı sakini dava zamanı bıçaqlanıb

Bakı. 7 avqust. REPORT.AZ/ Bakı sakini dava zamanı bıçaqlanıb.

"Report" xəbər verir ki, hadisə Binəqədi rayonunda qeydə alınıb.

Belə ki, Bünyadzadə küçəsi dalan 1 ev 50 ünvanında 1984-cü il təvəllüdlü Əliyev Arif Akif oğlu tanıdığı şəxslə dava edib. Dava zamanı o, bıçaqlanıb. 

Yaralı xəstəxanaya yerləşdirilib.

Faktla bağlı Binəqədi Rayon Polis İdarəsində araşdırma aparılır.