Bakı aeroportunda sərhəddən keçməklə bağlı problem yaranıb - FOTO - ƏLAVƏ OLUNUB

İlk xəbər saat 14:31-də verilib

Bakı. 10 avqust. REPORT.AZ/ Təxminən, 40 dəqiqədir ki, Heydər Əliyev Beynəlxalq Aeroportundan Azərbaycana daxil olmaq istəyən yerli və xarici vətəndaşlar problemlə üzləşiblər.

Sərnişlərin “Report”a verdiyi məlumata görə, insanlar sərhəd-buraxılış məntəqəsindən keçə bilmirlər.

Buna səbəb aeroportda vətəndaşların qeydiyyatı üçün istifadə olunan proqram təminatının donmasıdır. 

***

Məsələ ilə bağlı Dövlət Sərhəd Xidmətinin mətbuat mərkəzindən "Report"a bildirilib ki, hava limanının rabitə qovşağında aparılan profilaktik işlərlə əlaqədar vətəndaşların qeydiyyatı sisteminin fəaliyyətində 20 dəqiqəlik fasilə yaranıb. Artıq sistemin fəaliyyəti bərpa olunub.