Yuxarı
    Bağlamaq

    Bakıda "Kalaşnikov" avtomatını 14 il çarpayısının altında gizlədən şəxs tutulub

    O, istintaqa silah-sursatın dünyasını dəyişən qardaşından əmanət qaldığını bildirib

    Bakı. 19 sentyabr. REPORT.AZ/ Bakının Qaradağ rayonunda polis üzərində odlu silah gəzdirən şəxsi saxlayıb. Bu barədə Report-a Qaradağ Rayon Polis İdarəsindən (RPİ) məlumat verilib.

    Qaradağ RPİ və 38-ci Polis Bölməsi əməkdaşlarının keçirdiyi əməliyyat axtarış tədbirləri nəticəsində Beyləqan rayon sakini 52 yaşlı Eyvaz Allahverdiyev saxlanılıb. Onun Sahil qəsəbəsində yaşadığı evə baxış zamanı çarpayının altından 1 ədəd "Kalaşnikov" markalı avtomat silah, 2 ədəd avtomat sandıqçası, 110 ədəd müxtəlif çaplı avtomat patronu və 1 ədəd tüstü şaşkası aşkar edilərək götürülüb. Saxlanılan şəxs bildirib ki, silah sursat guya ona dünyasını dəyişən qardaşından qalıb. O, 2000-ci ilin əvvəllərində əldə etdiyi silah-sursatı evində yatdığı çarpayının altında gizlədib.

    Faktla bağlı cinayət işi açılıb, istintaq aparılır. Silah-sursat kriminalistik ekspertizaya göndərilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi