Bakıda axtarışda olan iki nəfər saxlanılıb

Bakı. 1 Oktyabr. REPORT.AZ/ Bakıda dələduzluq etdiyinə görə axtarışda olan iki nəfər saxlanılıb.  Bu barədə "Report"a Bakı Şəhər Baş Polis İdarəsinin mətbuat xidmətindən məlumat verilib. Səbail Rayon Polis İdarəsinin 8-ci Polis Bölməsinin əməkdaşlarının keçirdiyi əməliyyat-axtarış tədbirləri nəticəsində, Cinayət Məcəlləsinin 178-ci (dələduzluq) maddəsilə axtarışda olan Fikrət Hacıyev tutulub.

Bənzər əməliyyat Sabunçu Rayon Polis İdarəsinin 13-cü Polis Bölməsinin əməkdaşları tərəfindən də keçirilib. Bu əməliyyat zamanı Cinayət Məcəlləsinin 178-ci (dələduzluq) maddəsilə axtarışda olan Anar Qurbanov  polislər tərəfindən tutulub.