"Azərenerji" "Azərişığ"ın məlumatını təkzib edib

Bakı. 17 noyabr. REPORT.AZ/ "Azərenerji” ASC-yə məxsus 110/35/10 kV-luq "Əhmədli" yarımstansiyasında təmir işlərinin aparılması ilə bağlı yayılan məlumatlar həqiqəti əks etdirmir". 

Bunu "Report"a qurumun İctimaiyyətlə əlaqələr və mətbuat xidmətinin rəhbəri Yəhya Babanlı deyib.

"Əgər hər hansı təmir işləri aparılsa, bu barədə ictimaiyyəti məlumatlandıracağıq", - o deyib.

Xatırladaq ki, "Azərişıq" bu gün ”Azərenerji”yə məxsus 110/35/10 kV-luq "Əhmədli" yarımstansiyasında təmir işlərinin aparılacağı və bu səbəbdən də bu gecə saat 01:00-dan saat 04:30-a qədər Bakının Xətai rayonundakı Əhmədli yaşayış massivinin bir hissəsində elektrik enerjisinin verilişində qısamüddətli fasilələr yaranacağı ilə bağlı məlumat yaymışdı.