Azərbaycanlı jurnalist Aynur Mirhəsən (Təhməzova) 43 yaşında vəfat edib.
“Report” xəbər verir ki, o, Türkiyədə müalicə aldığı xəstəxanaların birində dünyasını dəyişib.
Aynur Mirhəsən qan xərçəngi xəstəliyindən əziyyət çəkirdi. Son günlər isə səhhəti ağırlaşıb. Kimyəvi terapiyadan sonra ağciyərləri fəaliyyətini dayandırıb.
Onun cənazəsi bu gecə Azərbaycana gətiriləcək və Bakıda dəfn olunacaq.
Qeyd edək ki, A.Mirhəsən 1976-cı ilin yanvarın 27-də Bakıda anadan olub. 1998-ci ildə Bakı Dövlət Universitetinin Jurnalistika fakültəsini bitirib. O, “Yeni Müsavat”, “Üç nöqtə”, “Həftə içi” qəzetlərində, “Medifaorum”, “Ann.az” saytlarında işləyib. “Mediaforum” saytında layihə rəhbəri olub. Son illər Türkiyədə yaşayıb.
Allah rəhmət eləsin!