Yuxarı

Azərbaycanlı 5 yaşlı uşaq Kərbəlada faciəli şəkildə ölüb

Uşağın atası İraqda oxuyur

Bakı. 1 sentyabr. REPORT.AZ/ Azərbaycanlı uşaq İraqın Kərbəla şəhərində faciəli şəkildə ölüb.

Bu barədə “Report”a Azərbaycanın Cənub bölgəsindən olan jurnalist Zahir Əmənov məlumat verib.

O bildirib ki, Masallı rayonun Ərkivan qəsəbə sakini Habil Rəhimov Kərbəlada ailəsi ilə olarkən istidə 5 yaşlı qızı Zəhra dünyasını dəyişib. Z.Rəhimova Kərbəla şəhərində torpağa tapşırılıb.

Uşağın günvarmadan öldüyü ehtimal edilir.

Onun sözlərinə görə, Z.Rəhimovanın atası Rəhimov Habil İltizam oğlu Suriyada dini təhsil alırmış. Suriyadakı məlum hadisələrdən sonra o, təhsilini Nəcəf şəhərində davam etdirib. Bu səfərdə də məqsəd H.Rəhimovun dövlət imtahanı verməsi ilə bağlı olub.

“Rəhmətə gedən Zəhra Habil Rəhimovun üç uşağından ortancılı idi. Valideynlərinin verdiyi məlumata görə, onun daha bir uşağı orada ağır xəstələnib”, - Z.Əmənov əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi