Azərbaycan dövlətinin “İnterpol” xətti ilə axtarışa verdiyi şəxs Türkiyədə saxlanılıb

Bakı. 4 mart. REPORT.AZ/ Azərbaycan dövlətinin beynəlxalq axtarışa verdiyi şəxs tutulub.

“Report” xəbər verir ki, “İnterpol” xətti ilə beynəlxalq axtarışda olan 26 yaşlı Ağayar Ağazadə Türkiyədə saxlanılıb.

Cinayət Məcəlləsinin 206-cı (Qaçaqmalçılıq) və 240-cı (Güclü təsir edən və ya zəhərli maddələrin satış məqsədilə qanunsuz dövriyyəsi) maddələri ilə axtarışa verilmiş A.Ağazadənin Azərbaycana ekstradisiya edilməsi istiqamətində iş aparılır.