Azərbaycanda zəlzələ olub

Gədəbəy rayonu ərazisində zəlzələ olub.

Bu barədə "Report"a Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən məlumat verilib. 

Zəlzələlərin tədqiqatı bürosunun məlumatına əsasən, yerli vaxtla saat 16:08-də Gədəbəy stansiyasından 42 km cənubda - Gədəbəy ərazisində zəlzələ qeydə alınıb.

Maqnitudası 3.3, dərinliyi 9 km olan yeraltı təkan hiss olunmayıb.