Azərbaycanda elektron qolbaq daşıyan şəxslərin sayı açıqlandı

Azərbaycanda 4 684 məhkuma elektron nəzarət vasitələri tətbiq edilib.

Ədliyyə Nazirliyindən “Report”a verilən məlumata görə, cəza müddəti başa çatdığı üçün və qanunvericiliklə müəyyən edilmiş digər əsaslarla 1 536 məhkumdan elektron qolbaqlar çıxarılıb.

Qeyd olunub ki, hazırda elektron qolbaq daşıyan 3 148 nəfər müvafiq cəzalarını çəkir və Monitorinq Mərkəzi tərəfindən onlara fasiləsiz təsirli nəzarət həyata keçirilir.