Yuxarı

Azərbaycan vətəndaşı sərhəddən qanunsuz kürü keçirmək istəyərkən saxlanılıb

Hadisə Dağıstanın Məhərrəmkənd gömrük keçid məntəqəsində baş verib

Bakı. 23 noyabr. REPORT.AZ/ Dağıstan gömrükçüləri sərhəddən bəyannamə sənədində göstərilməmiş 6 kq-dan çox qara kürünü qanunsuz olaraq Rusiyaya keçirmək istəyən Azərbaycan vətəndaşını saxlayıb.

"Report" "Daqestanskaya Pravda" nəşrinə istinadən xəbər verir ki, hadisə Məhərrəmkənd gömrük keçid məntəqəsində baş verib. Azərbaycandan Rusiyaya keçmək istəyən vətəndaşların gömrük yoxlanışı zamanı onlardan birinin yükündə qeydiyyata salınmamış 6,4 kq qara kürü aşkarlanıb.

Qanunsuz keçirilməsinə cəhd edilən kürü müsadirə edilərək ekspertizaya göndərilib. Ekspertizanın nəticəsinə görə, inzibati və ya cinayət işinin açılacağına qərar veriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi