Bakı. 24 yanvar. REPORT.AZ/ Azərbaycan vətəndaşı Kursk vilayətindəki "Sucan" keçid məntəqəsində Rusiya Federasiyası ərazisinə daxil olmaq istəyərkən Federal Təhlükəsizlik Xidmətinin əməkdaşları tərəfindən saxlanılıb.
"Report" Rusiya FTX-nin Kursk vilayəti üzrə idarəsinin mətbuat xidmətinə istinadən xəbər verir ki, aparılan tədbirlər nəticəsində saxlanılan şəxsin sağlamlığa qəsdən ziyan vurma maddəsi üzrə federal axtarışda olduğu müəyyənləşib.
Azərbaycan vətəndaşı saxlanıldıqdan sonra Rusiya Daxili İşlər Nazirliyinin Sucan rayonu üzrə idarəsinin əməkdaşlarına təhvil verilib.