Azərbaycanda şirkət direktoru yol qəzasında öldü, cinayət işi başlanıldı

Abşeron rayonunda ölümlə nəticələnən yol qəzası ilə bağlı istintaq tədbirləri davam etdirilir.

“Report”un xəbərinə görə, ötən gün vətəndaş Zəkəriyyə Poladov idarə etdiyi “Nissan” markalı avtomobili aşıraraq hadisə yerində ölüb.

Faktla bağlı Daxili İşlər Nazirliyinin (DİN) Baş İstintaq və Təhqiqat İdarəsi tərəfindən Cinayət Məcəlləsinin müvafiq maddəsi ilə cinayət işi başlanılıb, araşdırma aparılır.

Xatırladaq ki, iyulun 27-də saat 15 radələrində Abşeron rayonunun Aşağı Güzdək qəsəbəsi ərazisində Zaqatala rayon sakini Zəkəriyyə Poladov idarə etdiyi “Nissan” markalı avtomobili aşırmış və hadisə yerində ölüb.

Qeyd edək ki, Z.Poladov "Azenko" MMC-nin direktoru vəzifəsində çalışıb.