Ağsuda mağazalardan oğurluq edən şəxs saxlanılıb

Ağsu rayonunda oğurluqla məşğul olan şəxs saxlanılıb.

"Report"un Şirvan bürosunun məlumatına görə, Ərəstunzadə Alim Mahir oğlu polis əməkdaşlarının Ağsu rayon Polis şöbəsinə daxil olan məlumat əsasında həyata keçirdiyi əməliyyat-axtarış tədbirləri nəticəsində tutulub.

Araşdırma nəticəsində Ağsu şəhəri, Vidadi küçəsi, ev 82, mənzil 11-də yaşayan 27 yaşlı M.Ərəstunzadənin bu ilin mart ayında Ağsu şəhərində Məmmədov Samir Əlşah oğluna məxsus mağazadan 105 manat nəğd pul, 15 manat dəyərində siqaret və ətiriyyat məhsulları, Kazımov Rəşad Akif oğluna məxsus aptekdən 450 manat nəğd pul və Xəlilov Bəylər Niyaz oğluna məxsus mağazadan isə 350 manat nəğd pulu oğurladığı müəyyən edilib.

Faktla bağlı cinayət işi açılıb, araşdırma aparılır.