Ağsu sakini Astarada avtomobilini aşırıb

Bakı. 25 dekabr. REPORT.AZ/ Ağsu rayon sakini Astarada avtomobilini aşırıb.

"Report"un Cənub bürosu xəbər verir ki, hadisə Ələt-Astara - İran İslam Respublikası dövlət sərhədi yolunun Astara rayonunun Şiyəkəran kəndi ərazisindən keçən hissəsində baş verib.

Ağsu rayonu, Kəgəli kənd sakini, 1990-cı il təvəllüdlü Rusif İlqar oğlu Hüseynov idarə etdiyi "Audi" markalı avtomobillə İran İslam Respublikasından qayıdarkən idarəetməni itirib və yoldan çıxıb. Nəticədə avtomobil aşıb, sürücü R.Hüseynov müxtəlif dərəcəli bədən xəsarətləri alıb. Yaralı Təcili və Təxirəsalınmaz Tibbi Yardım Stansiyası əməkdaşları tərəfindən Lənkəran Rayon Mərkəzi Xəstəxanasına çatdırılıb.

Faktla bağlı araşdırma aparılır.