Ağstafada sürücü qardaşını vuraraq öldürüb - YENİLƏNİB

Ağstafada piyadanın ölümü ilə nəticələnən yol-nəqliyyat hadisəsinin bəzi təfərrüatları məlum olub.

"Report"un Qərb bürosunun məlumatına görə, Muğanlı kəndində qeydə alınan yol-nəqliyyat hadisəsini törətməkdə şübhəli bilinən, sürücü 1982-ci il təvəllüdlü Şöhrət Mehdiyev ölən piyada, 1985-ci il təvəllüdlü Rəşad Mehdiyevin qardaşıdır.

Hadisə ehtiyatsızlıqdan baş verib.

Faktla bağlı araşdırma aparılır.

09.11.22:30

Ağstafada piyadanın ölümü ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, hadisə rayonun Muğanlı kəndində qeydə alınıb.

Yolu qarşı tərəfə keçmək istəyən 1985-ci il təvəllüdlü Rəşad Mehdiyevi avtomobil vurub.

Piyada aldığı xəsarətdən hadisə yerində keçinib.

Faktla bağlı araşdırma aparılır.