Yuxarı

​Zlatan İbrahimoviçin dopinqdən istifadə etdiyi iddia olunur

Futbolçu Yuventusda çıxış etdiyi vaxt 6 ay ərzində 10 kq arıqlayıb

Bakı. 7 aprel. REPORT.AZ/ İsveç milli komandasının futbolçusu Zlatan İbrahimoviç İtaliyanın "Yuventus" klubunda çıxış etdiyi vaxt dopinqdən yararlanıb. "Report"un məlumatına görə, belə bir iddia ilə yığmanın həkimi Ulf Karlsson çıxış edib. 

O bildirib ki, hadisə 2004-2006-cı illərdə baş verib: "İbrahimoviç "Yuventus"da çıxış etdiyi vaxt 6 aya 10 kq arıqlamışdı. Məncə, bu onun dopinqdən istifadə etməsi ilə əlaqədar idi. Ən azı, şəxsi fikrim belədir. Millinin digər üzvü Albin Ekdal da "Yuventus"da çıxış edərkən 8 kq arıqlayıb. Düşünürəm ki, bu, klubda adət halını alıb. Nəzərə alaq ki, həmin komandanın əvvəllər 22 ay cəzaya məruz qalmış həkimi vardı. Açıqlamam birbaşa İbrahimoviçə ünvanlanmış ittiham deyil".

Futbolçunun meneceri Mino Rayola isə həkimə hüquq müstəvisində cavab verəcəklərini və məhkəməyə müraciət edəcəklərini bildirib.

Qeyd edək ki, Zlatan İbrahimoviç 2004-2006-cı illərdə "Yuventus"da çıxış edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi