Bakı. 28 oktyabr. REPORT.AZ/ Futbol üzrə Azərbaycan Premyer Liqasında X turun növbəti oyunu keçirilib.
“Report” xəbər verir ki, günün ikinci oyununda "Zirə" Bakıda "Qəbələ"ni qəbul edib.
Gərgin keçən qarşılaşma şəhərlilərin 2:1 hesablı qələbəsi ilə başa çatıb.
Bakı klubu bu qələbə sayəsində xallarının sayını 21-ə çatdıraraq turnir cədvəlinin ikinci pilləsinə yüksəlib. "Qəbələ" isə 19 xalla üçüncü yerə düşüb.
Bu gün keçirilən digər qarşılaşmada "Kəpəz" səfərdə "Keşlə"ni 2:0 hesabı ilə məğlub edib.
X tura oktyabrın 29-da keçiriləcək "Neftçi" - "Sumqayıt" qarşılaşması ilə yekun vurulacaq.
Azərbaycan Premyer Liqası, X tur
"Zirə" - "Qəbələ" - 2:1
Qollar: Milan Duriç, 18 (p) [1-0], Sadio Tounkara, 38 [2-0], Famussa Kone, 71 [2-1].
Qırmızı vərəqə: Cavid Hüseynov, 43