​"Zirə" klubu bir futbolçusu ilə yollarını ayırıb

Bakı. 28 may. REPORT.AZ/ "Zirə" klubu daha bir futbolçu ilə yollarını ayırıb.

"Report" klubun rəsmi saytına istinadən xəbər verir ki, "Zirə"nin üzvü Nicat Qurbanov karyerasını başqa klubda davam etdirəcək.

Futbolçu ilə müqaviləyə qarşılıqlı razılaşma əsasında son qoyulub.

Qeyd edək ki, bundan öncə Çimezie Mbah, Dieqo Qusmao, Luis Alberto Diez, Tərzin Cahangirov, Ruslan Poladov və Rəşad Abdullayev “Zirə”dən ayrılıb.