Yuxarı
    Bağlamaq

    ​"Zirə" klubu avrokuboklarda iştirak etməyəcək

    Elxan Məmmədov: Biz dəfələrlə bu məsələni qaldırmışıq, amma qanun hər kəs üçündür

    Bakı. 18 aprel. REPORT.AZ/ Futbol üzrə Azərbaycan Premyer Liqasında ikinci pillədə qərarlaşan "Zirə" klubu avrokuboklarda iştirak etməyəcək. AFFA-nın baş katibi Elxan Məmmədovun "Report"a verdiyi məlumata görə, milli assosiasiya tərəfindən UEFA-ya müraciətlər edilsə də, Avropa futbol qurumunun öz qaydaları var. 

    "Bu qaydalarda da həmin məsələ qeyd olunub. Biz dəfələrlə bu məsələni qaldırmışıq, amma qanun hər kəs üçündür. Premyer Liqada iştirak etməzdən öncə "Zirə" rəhbərliyinin bu şərtlərdən xəbəri var idi", - deyə E.Məmmədov bildirib.

    Baş katib avrokuboklardan birillik diskvalifikasiya edilən və apellyasiya şikayəti verən "İnter"ə isə heç cür kömək edə bilməyəcəklərini söyləyib: "Çünki bu məsələ "İnter" və İdman Arbitraj Məhkəməsi arasındadır".

    Qeyd edək ki, UEFA qaydalarına əsasən, Avropa kuboklarında iştirak etmək üçün klub ən azı 3 il fəaliyyətdə olmalıdır. "Zirə" isə cəmi 2 ildir fəaliyyət göstərir.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi