"Yuventus" 3 futbolçu ilə danışıqlar aparır - RƏSMİ

Futbol

03 may, 2020
16:02

Canluici Buffon və Corco Kyellini

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

İtaliyanın "Yuventus" klubu yerli qapıçı Canluici Buffon və müdafiəçi Corco Kyellinini, eyni zamanda argentinalı hücumçu Paulo Dibalanı buraxmaq niyyətində deyil.

"Report"un məlumatına görə, bunu "Sky Sport Italia" nəşrinə açıqlamasında Turin təmsilçisinin idman direktoru Fabio Paratiçi deyib.

Klub rəsmisi bildirib ki, hər üç futbolçu ilə danışıqlar davam edir: "Buffon və Kyellini ilə razılaşmaq üzrəyik. Dibala ilə da danışırıq. Onun "Yuventus"da mümkün qədər çox qalmasını istəyirik".

Qeyd edək ki, daha əvvəl "Yuventus"un Canluici Buffon, Corco Kyellini və Blez Matuidi ilə yeni müqavilə imzalayacağı bildirilib. Hər üçün futbolçunun "qoca sinyora" ilə müqaviləsi 2020-ci ilin yayına qədər qüvvədədir.