Yuxarı
    Bağlamaq

    "Xəzər Lənkəran"ın baş məşqçisi FİFA-nın transfer qadağasına münasibət bildirib

    L’imam Seydi bu gün Azərbaycana gələcək

    Bakı. 4 avqust. REPORT.AZ/ FİFA tərəfindən qoyulan transfer qadağası "Xəzər Lənkəran" komandasının uğurlu çıxışına mane olmayacaq. Bu barədə "Report"a komandanın baş məşqçisi Yunis Hüseynov bildirib.

    50 yaşlı mütəxəssis transfer qadağasına baxmayaraq, çempionatda uğurla çıxış etməyə çalışacaqlarını bildirib: "Belə qərar verilibsə, nə edə bilərik? Təbii ki, əlimizdəki futbolçularla çempionata başlayaraq, ilk 3 turda uğurlu nəticə əldə etməyə çalışacağıq". 

    Y.Hüseynov yeni transfer L’imam Seydinin bu gün Azərbaycana gələcəyini də deyib. 29 yaşlı fransalı hücumçu ilk olaraq Lənkərana səfər edəcək və komandanın düşərgəsinə qoşulacaq. Daha sonra L.Seydi müqavilə imzalamaq üçün Bakıya gələcək və 2 illik müqavilə imzalanacaq. Amma bu və digər yeni transferlər yalnız avqustun 31-dən sonra rəsmi oyunlarda meydana çıxa biləcəklər. 

    Qeyd edək ki, İdman Arbitraj Məhkəməsi (CAS) "Xəzər Lənkəran"a qoyduğu transfer qadağasını qüvvədə saxlayıb. Qərara əsasən, qadağa avqustun 31-dək davam edəcək. Bu müddətdə "ağ-yaşıllar" Azərbaycan Premyer Liqasının "İnter" və "Rəvan"la ev, "Sumqayıt"la səfər matçlarında yeni transferlərinin xidmətindən yararlana bilməyəcək. "Xəzər Lənkəran" 2011-ci ilin yayında transfer olunmuş və heç bir oyunda forma geyinmədən komandadan göndərilmiş bosniya və herseqovinalı futbolçu Veldin Muharemoviçin şikayətindən sonra transfer qadağasına məruz qalıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi