Xorvatiya prezidenti Rusiya üzərində qələbəni futbolçularla qeyd edib

Bakı. 8 iyul. REPORT.AZ/ Xorvatiya prezidenti Kolinda Qrabar-Kitaroviç DÇ-2018-in ¼ final mərhələsində Rusiya üzərində qələbəni milli komandanın futbolçuları ilə bərabər qeyd edib.

“Report” xəbər verir ki, Qrabar-Kitaroviç oyundan sonra soyunub-geyinmə otağına gələrək futbolçuları təbrik edib və onlarla birgə şəkil çəkdirib.

Fotonu yığmanın futbolçusu Marko Pyatsa öz "Twitter" mikrobloqunda paylaşıb.

Xorvatiya prezidenti ¼ final matçını Rusiyanın baş naziri Dmitri Medvedev və FİFA prezidenti Canni İnfantino ilə birdə stadiondan seyr edib.