Yuxarı
    Bağlamaq

    "Xəzər Lənkəran" və "Neftçi" komandaları arasındakı oyunların stadionları müəyyənləşib

    Prinsipial rəqiblər Dalğa Arenada qarşılaşacaqlar

    Bakı. 18 noyabr. REPORT.AZ/ Topaz Premyer Liqasının XIII turunda "Xəzər Lənkəran"la "Neftçi" klublarının əsas və əvəzedici komandaları arasında keçiriləcək oyunların stadionları müəyyənləşib. "Report"un məlumatına görə, cənub klubu əzəli rəqibini noyabrın 24-də Bakının Mərdəkan qəsəbəsindəki "Dalğa Arena"da qəbul edəcək. 

    Əvəzedici heyətlər arasındakı görüş isə noyabrın 23-də "Bayıl Arena"da təşkil olunacaq. 

    Qeyd edək ki, "Xəzər Lənkəran"ın ev oyunlarını Bakıda keçirməsinə səbəb Lənkəran şəhər mərkəzi stadionunun ot örtüyündə təmir işlərinin aparılmasıdır. Cənub klubu daha öncə "Neftçi"yə ev sahibi olmağı və görüşü paytaxt klubunun sifariş etdiyi "Bakcell Arena"da keçirməyi təklif edib. Flaqman rəhbərliyi isə İsmət Qayıbov adına Bakıxanov qəsəbə stadionunu prinsipial rəqibinin sərəncamına verməyə hazır olduqlarını bildirib. Amma bu zaman nominal meydan sahibi qismində "Xəzər Lənkəran"ın çıxış etməsi şərti irəli sürülüb. Lənkəranlılar bu şərti qəbul etməyiblər.   

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi