Yuxarı
    Bağlamaq

    Vəli Qasımov: "Xarici klubla danışıqlar aparıram" - MÜSAHİBƏ

    Mən olsaydım, Neftçi 0:8 hesabı ilə uduzmazdı

    Bakı. 16 sentyabr. REPORT.AZ/ "Neftçi" futbol klubunun sabiq baş məşqçisi Vəli Qasımovun "Report"a müsahibəsi

    - Səhhətiniz necədir, özünüzü necə hiss edirsiniz?

    - İndi yaxşıyam. Ev şəraitində müalicəmi davam etdirirəm. Demək olar ki, indi hər şey qaydasındadır.

    - Xaricə yollanacağınız haqda məlumatlar yayılıb. Bunlar nə dərəcədə həqiqətə uyğundur?

    - Bəli, belə bir söhbət var. Amma bu, aldığım təkliflərlə bağlıdır. Hazırda adını açıqlamaq istəmədiyim klubla danışıqlar aparılır. Müsbət nəticələnsə, işləmək üçün gedəcəm.

    - Bu iş futbol sahəsində olacaq, yoxsa fərqli peşədir?

    - Mən futbol adamıyam, işim də futbolla bağlıdır. Bundan sonra da futbolla məşğul olacağam.

    - Gedəcəyiniz ölkə İspaniya deyil?

    - Bu haqda açıqlama vermək istəmirəm. Bir müddətdən sonra hər şey aydınlaşacaq. O zaman ətraflı məlumat verə bilərəm.

    - Sabiq klubunuz "Neftçi"də yeni təyinatlar oldu. Bunlarla bağlı nə deyə bilərsiniz?

    - Klubda işləyən hər kəsə, eləcə də yeni təyin olunmuş insanlara uğurlar arzulayıram. İndi "Neftçi"nin vəziyyəti yaxşı deyil. Bu komandaya, sadəcə, dəstək lazımdır. Dəstək olandan sonra bütün məsələlər həllini tapacaq.

    - Komanda qalib gələndə futbolçular, uduzanda isə baş məşqçi ön plana çıxır. "Neftçi"nin uğursuzluğunun səbəbini özünüzdə görürsünüz?

    - Həmin oyunda mən olsaydım, bu nəticə qeydə alınmayacaqdı. Başqa məsələlər də var ki, bu barədə danışmaq istəmirəm. Ancaq əminliklə deyirəm ki, mən oyunda olsaydım, bu nəticə qeydə alınmayacaqdı.

    - Başqa məsələ dedikdə, "torbatikmə" variantını nəzərdə tutursunuz?

    - Bununla bağlı danışmaq istəmirəm.

    - Bəs "Qəbələ" ilə oyundakı 0:8 hesablı məğlubiyyət haqda danışa bilərsiniz? Özünüz stadionda deyildiniz...

    - Oyuna xəstəxanada baxırdım. Bir daha deyirəm, mən olsaydım, "Neftçi" 0:8 hesabı ilə uduzmazdı.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi