Yuxarı

Useyn Bolt Malta klubunun təklifini qəbul etməyib

Useyn Bolt Malta klubunun təklifini qəbul etməyib

Bakı. 17 oktyabr. REPORT.AZ/ Atletika üzrə 8 qat olimpiya çempionu Useyn Bolt Maltanın “Valletta” futbol klubunun 2 illik müqavilə təklifini qəbul etməyib.

“Report” xəbər verir ki, bu barədə 32 yaşlı yamaykalı idmançının agenti Riki Simms ESPN telekanalına bildirib. 

O, çox sayda təklif aldıqlarını deyib: “Useynə çox sayda klub maraq göstərir, biz davamlı olaraq təkliflər alırıq. Təsdiq edə bilərəm ki, o, karyerasını Maltada davam etdirmək istəmir”.

Qeyd edək ki, Bolt bu ilin avqustunda Avstraliyanın “Sentral Kost Mariners” klubunda debüt edib və dörd gün öncə yoldaşlıq matçında futbolçu karyerasında ilk qollarını vurub. O, hələ hazırkı klubu ilə peşəkar müqavilə bağlamayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi