Yuxarı

UEFA Serbiya klubunu cəzalandırıb

UEFA Serbiya klubunu cəzalandırıb

Bakı. 11 avqust. REPORT.AZ/ UEFA İntizam Komitəsi Serbiyanın "Srvena Zvezda" klubunu cəzalandırıb.

"Report" xəbər verir ki, səbəb Litva "Suduva"sı ilə Çempionlar Liqasının II təsnifat mərhələsinin oyunu zamanı baş verənlər olub. İyulun 24-də Belqradda keçirilmiş görüşdə serbiyalı fanatlar irqçi şüarlar səsləndiriblər.

Avropa futbol qurumu "Srvena Zvezda"nı qarşıdakı 2 ev oyununu azarkeşsiz keçirmə cəzasına və 72 min avro cəriməyə məruz qoyub. Daha əvvəl klub doğma azarkeşlərindən 1 oyunluq məhrum edilmişdi. Lakin qayda pozuntusu təkrarlandığından, belqradlılara cəzası ikiqat artırılıb.

Qeyd edək ki, "Suduva" ilə görüş "Srvena Zvezda"nın 3:0 hesablı qələbəsi ilə yekunlaşıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi