Bakı. 22 noyabr. REPORT.AZ/ "Qarabağ" komandası UEFA Gənclər Liqasında növbəti oyununu keçirib.
"Report" xəbər verir ki, Ağdam təmsilçisi V tur çərçivəsində İngiltərənin "Çelsi" komandasını qəbul edib.
"Azərsun Arena"da baş tutan görüşdə hesabı Rəşad Sadıqovun rəhbərlik etdiyi kollektiv açsa da, sonradan qonaqlar 3 qol vuraraq qalib gəliblər.
Bu qələbədən sonra xallarını 12-ə çatdıran "Çelsi" növbəti mərhələyə yüksəlib. 3 xalı olan "Qarabağ" isə sonuncu pillədə qalıb və mərhələ şanslarını böyük ölçüdə əldən verib.
UEFA Gənclər Liqası
C qrupu, V tur
"Qarabağ" (Azərbaycan) - "Çelsi" (İngiltərə) - 1:3
Qollar: Yaroslav Deda, 50 - Martell Teylor-Krossdeyl, 60. Çarli Braun, 69. Corc Makİçran, 76
Hakimlər: Alper Ulusoy, Mehmet Emin Tuğral, Deniz Caner Özaral (hər üçü (Türkiyə), Orxan Məmmədov (Azərbaycan)
Bakı. "Azərsun Arena"