Yuxarı

UEFA-dan AVRO-2020-nin yeni təqvimi ilə bağlı açıqlama

UEFA AVRO-2020-nin təqvimini təşkilatçı şəhərlərlə müzakirə edəcək

342

UEFA AVRO-2020-nin oyunlarının yeni təqvimini turnirə ev sahibliyi edəcək 12 şəhərlə müzakirə edəcək.

"Report"un məlumatına görə, bu barədə TASS-a qitə futbol qurumundan açıqlama verilib. Avropa çempionatı koronavirus pandemiyası ilə əlaqədar bu ilin yayından 2021-ci il 11 iyun - 11 iyula keçirilib.

UEFA-nın açıqlamasında matçların yeni tarixləri barədə əlavə məlumat veriləcəyi bəyan olunub: "Çempionat oyunlarının eyni qrafik və eyni təşkilatçı şəhərlərlə təşkili nəzərdə tutulub. Lakin hazırkı mərhələdə matçların təqvimi rəsmən təsdiqlənməyib. Bu məsələ ilə əlaqədar UEFA bütün 12 təşkilatçı şəhərlə əlaqə saxlayacaq. Əlavə açıqlamalar yaxın vaxtlarda veriləcək". 

Qeyd edək ki, Avropa çempionatında A qrupunun 3 (İsveçrə - Uels, Türkiyə - Uels və Türkiyə - İsveçrə), 1/4 final mərhələsinin isə 1 oyunu Bakı Olimpiya Stadionunda keçirilməlidir. Digər qarşılaşmalar Sankt-Peterburq (Rusiya), London (İngiltərə), Münhen (Almaniya), Roma (İtaliya), Buxarest (Rumıniya), Dublin (İrlandiya), Kopenhagen (Danimarka), Bilbao (İspaniya), Qlazqo (Şotlandiya, Budapeşt (Macarıstan) və Amsterdam (Hollandiya) şəhərlərində olmalıdır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi