​Türkiyə yığmasının baş məşqçisi: "Azərbaycan hücum etsəydi, bəlkə də, məğlub olardıq"

Bakı. 12 noyabr. REPORT.AZ/ "Bizim üçün çətin oyun keçdi. Azlıqda qalmağımıza baxmayaraq, qələbə qazandıq. Azlıqda qaldığımız zaman topa sahib olmağa çalışdıq. Bəlkə də Azərbaycan üstümüzə gəlsə idi, məğlub olardıq. Artıq qarşıdakı oyuna baxacağıq".

"Report"un məlumatına görə, bunu 19 yaşadək futbolçulardan ibarət Türkiyə yığmasının baş məşqçisi Vedat İnceefe deyib.

19 yaşadək futbolçular arasında Avro-2016-nın seçmə mərhələsində Azərbaycanla qarşılaşan və qələbə qazanan millinin baş məşqçisi bunları bildirib:

"Azərbaycan qardaş ölkədir. İstərdim ki, Azərbaycanla elit raundda birgə mübarizə aparaq, amma təəssüf ki, bu mümkün olmadı. Hər oyunda qırmızı vərəqə alırıq. Amma bunun intizamsızlıqla əlaqəsi yoxdur. Çünki "qırmızı" alanlar geridə qalan sonuncu oyunçularımızdır. Bizim üçün çətin oyun keçdi".

Qeyd edək ki, Türkiyə - Azərbaycan oyunu 1:0 hesabı ilə yekunlaşıb.