Türkiyə klubu "Arsenal"ın qapıçısı ilə anlaşıb

Bakı. 10 avqust. REPORT.AZ/ Türkiyənin "Beşiktaş" klubu İngiltərənin "Arsenal" komandasının və Kolumbiya yığmasının qapıçısı David Ospinanı heyətinə qatmağa yaxındır.

"Report" "Sky Sports"a istinadən xəbər verir ki, İstanbul təmsilçisi 30 yaşlı qolkiperlə bu barədə razılıq əldə edib.

Qeyd edək ki, "Arsenal" rəhbərliyi də oyunçu ilə yollarını ayırmağı planlaşdırır. Ospina 2014-cü ildən London təmsilçisində çıxış edir.