Yuxarı
    Bağlamaq

    Türkiyə klubları Heydər Əliyev kubokunda iştirak edə bilərlər

    Ramin Musayev: Yarışda Türkiyə klublarının U-23 komandalarının da iştirakı mümkündür

    Naxçıvan. 5 may. REPORT.AZ/ Türkiyə klubları da Heydər Əliyevin anadan olmasının 94-cü ildönümünə həsr olunmuş futbol üzrə “Heydər Əliyev kuboku” turnirində iştirak edə bilər.

    "Report"un məlumatına görə, bu barədə Peşəkar Futbol Liqasının prezidenti Ramin Musayev bildirib.

    Naxçıvan Muxtar Respublikasında baş tutan kubokun təqdimatı mərasiminə qatılan təşkilatçı qurumun rəhbəri iştirakçıların mayın 20-dək dəqiqləşəcəyini söyləyib: "Hələlik ad açıqlamaq istəmirəm. Yarışda Türkiyə klublarının U-23 komandalarının da iştirakı mümkündür. Həmçinin yerli komandalardan MOİK, "Şəmkir", "Turan" və "Zaqatala" turnirə gəlmək üçün müraciət ediblər".

    Qeyd edək ki, mayın 26-da start götürəcək turnirdə 6-8 komandanın iştirakı nəzərdə tutulub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi