Totti: "Uşaq vaxtı yanacaqdoldurma məntəqəsində işləmək arzusunda idim"

Bakı. 25 mart. REPORT.AZ/ İtaliyanın "Roma" klubunun əfsanəvi hücumçusu Françesko Totti uşaq vaxtı böyüyəndə kim olmaq istəməsi barədə danışıb.

"Report" xəbər verir ki, onun sözlərini "Football Italia" internet portalı sitat gətirib:

"Mən uşaq vaxtı yanacaqdoldurma məntəqəsi işçisi olmaq istəyirdim. Benzinin iyi çox xoşuma gəlirdi. Mən həmişə YDM müştərilərinin pul kisələrində çoxlu pul görürdüm. Lakin atam bir dəfə mənə dedi: "Sən hər gün səhər tezdən durmalı olduğunu dərk edəndə, mütləq fikrini dəyişəcəksən".