Yuxarı

"Tottenhem" - "Qarabağ" oyunu isveçrəli hakimlərə tapşırılıb

Qarşılaşma Bakı vaxtı ilə saat 00:05-də start götürəcək

Bakı. 14 sentyabr. REPORT.AZ/ Futbol üzrə Avropa Liqasının qrup mərhələsində İngiltərə Tottenhemi və "Qarabağ" arasında keçiriləcək matçın bütün təyinatları açıqlanıb. "Report"un məlumatına görə, Londonda baş tutacaq görüşün idarə olunması İsveçrədən olan hakimlər briqadasına tapşırılıb.

Matçın baş hakimi Adryen Jakkotte olacaq. Ona Raffael Zeder və Vital Jobin yan xətt hakimləri, Alayn Byeri və Nikolay Hanni əlavə köməkçi hakimlər qismində yardım edəcəklər. Dördüncü hakim funksiyasını Yohannes Fogel yerinə yetirəcək. Hakim-inspektor isveçli Peter Fröydfeldt, UEFA nümayəndəsi isə ispaniyalı Borja Santana olacaq.

Qeyd edək ki, sentyabrın 17-də Londonda yerləşən "White Hart Lane" stadionunda keçiriləcək "Tottenhem" - "Qarabağ" matçı Bakı vaxtilə saat 00:05-də start götürəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi