Yuxarı

Toni Adams "Qəbələ"də yeni vəzifəyə təyin olunub

Bu, ingiltərəli əfsanəvi futbolçunun Azərbaycan klubunda üçüncü vəzifəsi olacaq

Bakı. 22 yanvar. REPORT.AZ/ İngiltərə futbolunun əfsanəsi Toni Adams “Qəbələ” idman klubunda yeni vəzifəyə təyin olunub. "Report"un məlumatına görə, T.Adams bundan sonra klubda futbol direktoru vəzifəsində çalışacaq. 

İngiltərə millisində və “Arsenal”dakı çıxışları ilə məşhurlaşan sabiq müdafiəçi bunadək "Qəbələ"də iki fərqli vəzifədə çalışıb. 2010-cu ilin yayında Azərbaycandakı fəaliyyətinə baş məşqçi kimi başlayan T.Adams 2011-ci ilin noyabrınadək “qırmızı-qaralar”ın “sükanı arxasında” olub. Bu müddətdə komandanı 47 rəsmi matça çıxaran mütəxəssis 2012-ci ilin aprelindən futbol direktoru təyin olunanadək “Qəbələ” İdman Klubunun prezidenti Tale Heydərovun müşaviri vəzifəsində fəaliyyət göstərib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi