Yuxarı

Toni Adams: “Qarabağ”ın "Arsenal"la Bakıda keçirdiyi oyun Azərbayca futbolunun inkişafının nümunəsidir"

Toni Adams: “Qarabağ”ın "Arsenal"la Bakıda keçirdiyi oyun Azərbayca futbolunun inkişafının nümunəsidir"

Bakı. 8 noyabr. REPORT.AZ/ "Qəbələ” klubunun sabiq baş məşqçisi Toni Adams Azərbaycan futbolu haqqında fikirlərini bildirib.

“Report” “Football365.com” saytına istinadən xəbər verir ki, ingiltərəli mütəxəsis “Qəbələ”də işlədiyi dövrdə klubun inkişafına təsir etdiyi üçün şad olduğunu vurğulayıb. 

52 yaşlı mütəxəssis bildirib ki, o, 2010-cu ildə Qəbələ şəhərinə gedəndə klubun vəziyyəti yaxşı olmayıb: "Komandaların məşqçilərinin Pro lisenziyası yox idi. Sonradan stadion inşa olundu və akademiyalar quruldu. Növbəti illərdə “Qəbələ” Azərbaycan Premyer Liqasında yuxarı pillələr üçün mübarizə apardı. 8 il sonra klubun inkişafını görmək mənim üçün xoşdur. Komanda iki dəfə Avropa Liqasının qrup mərhələsində iştirak edib. Klubda xeyli inkişaf var. Bu prosesdə rolumun olduğunu bilmək məni sevindirir”.

T.Adams Azərbaycan futbolunun inkişafından da söz açıb: “Qarabağ”ın "Arsenal"la Bakıda keçirdiyi oyun Azərbaycan futbolunun inkişafının nümunəsidir. Azərbaycan klubları hər il avrokuboklarda iştirak edirlər. Bu da futbolun inkişafı üçün müsbət hadisədir”.

Qeyd edək ki, Toni Adams 2010-cu il mayın 11-dən 2011-ci ilin noyabr ayınadək "Qəbələ"də baş məşqçi, sonralar isə klub prezidentinin müşaviri və futbol direktoru vəzifələrində çalışıb.

Manaf QASIMBƏYLİ

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi