Bakı. 29 aprel. REPORT.AZ/ “Sumqayıt” komandası futbolçusu Vurğun Hüseynovla yeni müqavilə bağlayıb.
“Report” klubun rəsmi saytına istinadən xəbər verir ki, 29 yaşlı müdafiəçi 1 illik sazişə imza atıb.
Sumqayıt təmsilçisinin heyətində ümumilikdə 111 oyunda meydana çıxan kapitan, cari mövsümdə 27 görüşdə iştirak edib.
Qeyd edək ki, Vurğun Hüseynov son 4 mövsümü “Sumqayıt”ın heyətində keçirib. O, 2013-cü il avqustun 4-də “Xəzər Lənkəran”la ev matçında debüt edib.