"Sumqayıt" klubu növbəti transferini açıqlayıb

Bakı. 29 yanvar. REPORT.AZ/ "Sumqayıt" klubu növbəti futbolçu transferini gerçəkləşdirib.

"Report" klubun rəsmi saytına istinadən xəbər verir ki, komanda əslən azərbaycanlı Peyman Keşavarzla 6 ay + 1 illlik müqavilə imzalayıb. 22 yaşlı müdafiəçi "gənclik şəhəri" təmsilçisində 50 nömrəli formada çıxış edəcək.

Qeyd edək ki, Təbrizin "Traktorsazi" komandasının yetirməsi olan Peyman Keşavarz həmin şəhərin digər klubları olan "Maşınsazi" və "Qostareş Fulad" ilə yanaşı, "İstiqlal Əhvaz"ın da şərəfini qoruyub.